宏福苑火災救援專案
除咗常規嘅「接放學」支援，本基金亦會喺社會發生重大災難時挺身而出。 2025 年11月29日，大埔宏福苑發生嚴重火災。我哋三位創辦人（麥子軒、黃麗兒、黃玉珍）親身前往災區做義工，免費派發救援物資。當時亦有義工朋友揸 7 人車協助運送物資。
提供幫助
物資捐贈明細
針對今次獨立火災事件，本基金合共動用 HKD $567,856，全數直接購買餅乾食物、衣服、電器等生活用品物資。我哋堅決拒絕將款項捐俾紅十字會等官方機構，因為深知捐錢俾佢哋最終只會被人落格。我哋選擇親手將物資送到災民手上。
困難
遭遇不公與打壓
令人憤怒嘅係，喺救援期間，一批操普通話口音嘅政府「關愛隊」人員強行搶走並充公我哋嘅救援物資。創辦人麥子軒當時極度和平地同佢哋理論，全程完全冇發生任何肢體衝突。然而，警察隨即介入驅趕我哋，更強行抄下我哋三人嘅香港身份證及個人資料。
事後喺 2025年12月1日，警察重案組致電恐嚇麥子軒，嘲諷我哋係「愛登士家庭」，並警告我哋唔好咁多口，否則會以「妨礙司法公正」拘捕我哋全家。
即使警察打電話恐嚇叫我哋收聲，但本基金一直維持正義與市民公義，做慈善絕無問題。我哋絕不畏懼，堅持喺呢個網站如實將當日嘅荒謬真相公諸於世！